احساس الجنوب
18-Dec-2007, 07:46 PM
العنيـد اللـي بـرى حالـي .. مـع حـظٍّ عنـيـد
من قبل عيد الضحى .. عيّد .. وجـاب العيـد فيّـه
والضحيـة .. سـنّـة الله كــل عـيـدٍ للعبـيـد
مير كيف يضحّي اللي صـار باسبابـه .. ضحيّـه
كلّ خـل ّ يمـاري بغالـي الهدايـا .. كـلّ عيـد
ولابه أغلى من عيونـي .. وأخذهـا مبطـي هديّـه
لو حمى فتنة ( زبيده ) وجـه ( هـارون الرشيـد )
ماعطت كثر الهدايـا .. سـاق ( بلقيـس ) الحميّـه
والشعر ماهو بورث ( معاويـه ) لأبنـه ( يزيـد )
كلّ شاعر لـه عشٌـق .. ولكـلّ عاشـق شاعريّـه
والأذيّه هي رصيدي في الهوى .. وامحـق رصيـد
وويل من مثلي رصيده في الهـوى صـار الأذيّـه
قسمـة الله فـي عبـاده .. ذا شقـيّ .. وذا سعيـد
واحدٍ يلقـى عسـل سـدره .. وواحـد سـمّ حيـه
وعـاذل ٍ يجـزا سـلامـي والتحـيّـه بالجحـيـد
ويش أبي به ... لا سـلام الله عليـه .. ولا تحيّـه
وش لـه وطفـل ٍ مَـلاَ صـدر الدحيمـي بالنشيـد
يركض وياطا ضلوعـه .. مـن هنيّـه لَ.. هنيّـه
والله أنـي فيـه ماطاوعـت .. زيـد ولا عبـيـد
لو وقـف مـن دونـي ودونـه حـرس وبوارديـه
احترق له .. فيه! .. لو ناره تقلْ هـلْ مـن مزيـد
وكم حطبني الشوق فيه وصرت له جمـره غضيّـه
أتباطـا جيّتـه .. وإن جـاء قبـل وعــدٍ أكـيـد
وأتنشّد روحتـه مـن قبـل يقبـل .. عـن مجيّـه
مثـل مـن ضيّـع شـداده والمطيّـه باْثـر صيـد
كسّـر شـداده لصيـدٍ مجفـل وخـلّـى المطـيّـه
أشعـل ٍ بيـن العـذارى لامشـى ... كنّـه وحيـد
قبـلـة الله ماتـقـول الاّ حـمــام الراعـبـيـه
اسمـع ( برمـان ليّـه ) يـوم يطـرا مـن بعيـد
ويوم شفتـه قلـت .. يالبيّـه ( يـا رمّـان ليّـه )
الله اقـوى منـه مامـلّ النظـر طـرفٍ سهـيـد
وفيه نظراتي تهاوش ذيـك .. تلعـن جـد .. ذيّـه
وشبّهـا حـرب وحميّـا بيـن شريـان ووريــد
كـل عـرق ٍ دونـه ب( جنبيتـه .. والبندقـيّـه )
ووالله انّـه كـل مايخـزرنـي بعـيـن الفـريـد
ضعت به كلّي .. ورحـت لعينـه أدوّر .. عليّـه!!
البلا اْن بطرف عينه مثـل سيـف ( ابـن الوليـد )
كـم تخطّفنـي بحـدّ صبيّـهـا سـيـف المنـيّـه
طالما اْن اللي يمـوت مـن الغـرق يكتـب شهيـد
ليه ماغرق وسط نونه أو علـى شاطـي صبيّـه؟!!
لـه جديـل ٍ مااستفـز الاّ .. ابجديـات القصـيـد
ليا انتثر .. جتْـك القصايـد .. ابجديـه .. ابجديـه
وكلّ ماعـظّ الشفيّـه رحـت مـن ضـدّ لضديـد
مادري أمـوت بثمانـه .. أو علـى جمـرة شفيّـه
إن سكـت .. سولـف ربيـع أنفاسـه وذوّب جليـد
وإن تكلّـم .. ينثـر الدنيـا .. حـدائـق بابلـيـه
وإن تبسّـم .. حطّنـي بيـن الضعيفـه والشـديـد
وإن ضحك .. ناضت بروقـه بالمـزون العقربيّـه
وإن تمايـل .. مـن ليانـة عـوده يليـن الحـديـد
وإن تثنّى .. شفت وشلـون الخـوي يظلـم خويّـه
وإن تهزّع .. كـلّ غالـي مـن تهزّاعـه .. زهيـد
وإن تخطّى .. قلـت .. لا بالله قِـذَتْ عينـي يديّـه
وإن وقف .. عنـق الكحيـل وقذلـة عبيّـه وجيـد
وإن مشى .. قلت .. إتخسا بنـت الكحيلـه والعبيّـه
رحت أبا أشكي له طعونه .. سلهم .. وقلت له :- زيد
أنت راعي الجود وأبخـل طعنـةٍ منـك .. أجوديّـه
سـوّ ياعـذب الثنيّـه وأفعـل اللـي بـي تـريـد
مير أنـا فـي وجـه ربـي منـك ياعـذب الثنيّـه
قيدتنـي فيـه كلمـة ( يابـعـد حـيـيّ ) بقـيـد
وأستباح بهـا خضوعـي .. لارحـم ميتـه وحيّـه
كنت أعدّ بحروته .. من ( واحـد لميّـه) .. وأعيـد
في صباح العيد .. وأنا أعدّ مـن ( واحـد لميّـه )..
.. جاء يعايدنـي وهـو يختـال فـي ثـوبٍ جديـد
قال :- أظنّك ناسي أن اليوم هـو عيـد الضحيّـه؟
قلت :- وش تفرق ... ثلاث سنين معك أعيش عيـد
كـلّ يـوم ٍ يابـري حالـي .. تجيـب العيـد فيّـه
كـــــــل عـــــام وانـتــــم بخيــــــر
من قبل عيد الضحى .. عيّد .. وجـاب العيـد فيّـه
والضحيـة .. سـنّـة الله كــل عـيـدٍ للعبـيـد
مير كيف يضحّي اللي صـار باسبابـه .. ضحيّـه
كلّ خـل ّ يمـاري بغالـي الهدايـا .. كـلّ عيـد
ولابه أغلى من عيونـي .. وأخذهـا مبطـي هديّـه
لو حمى فتنة ( زبيده ) وجـه ( هـارون الرشيـد )
ماعطت كثر الهدايـا .. سـاق ( بلقيـس ) الحميّـه
والشعر ماهو بورث ( معاويـه ) لأبنـه ( يزيـد )
كلّ شاعر لـه عشٌـق .. ولكـلّ عاشـق شاعريّـه
والأذيّه هي رصيدي في الهوى .. وامحـق رصيـد
وويل من مثلي رصيده في الهـوى صـار الأذيّـه
قسمـة الله فـي عبـاده .. ذا شقـيّ .. وذا سعيـد
واحدٍ يلقـى عسـل سـدره .. وواحـد سـمّ حيـه
وعـاذل ٍ يجـزا سـلامـي والتحـيّـه بالجحـيـد
ويش أبي به ... لا سـلام الله عليـه .. ولا تحيّـه
وش لـه وطفـل ٍ مَـلاَ صـدر الدحيمـي بالنشيـد
يركض وياطا ضلوعـه .. مـن هنيّـه لَ.. هنيّـه
والله أنـي فيـه ماطاوعـت .. زيـد ولا عبـيـد
لو وقـف مـن دونـي ودونـه حـرس وبوارديـه
احترق له .. فيه! .. لو ناره تقلْ هـلْ مـن مزيـد
وكم حطبني الشوق فيه وصرت له جمـره غضيّـه
أتباطـا جيّتـه .. وإن جـاء قبـل وعــدٍ أكـيـد
وأتنشّد روحتـه مـن قبـل يقبـل .. عـن مجيّـه
مثـل مـن ضيّـع شـداده والمطيّـه باْثـر صيـد
كسّـر شـداده لصيـدٍ مجفـل وخـلّـى المطـيّـه
أشعـل ٍ بيـن العـذارى لامشـى ... كنّـه وحيـد
قبـلـة الله ماتـقـول الاّ حـمــام الراعـبـيـه
اسمـع ( برمـان ليّـه ) يـوم يطـرا مـن بعيـد
ويوم شفتـه قلـت .. يالبيّـه ( يـا رمّـان ليّـه )
الله اقـوى منـه مامـلّ النظـر طـرفٍ سهـيـد
وفيه نظراتي تهاوش ذيـك .. تلعـن جـد .. ذيّـه
وشبّهـا حـرب وحميّـا بيـن شريـان ووريــد
كـل عـرق ٍ دونـه ب( جنبيتـه .. والبندقـيّـه )
ووالله انّـه كـل مايخـزرنـي بعـيـن الفـريـد
ضعت به كلّي .. ورحـت لعينـه أدوّر .. عليّـه!!
البلا اْن بطرف عينه مثـل سيـف ( ابـن الوليـد )
كـم تخطّفنـي بحـدّ صبيّـهـا سـيـف المنـيّـه
طالما اْن اللي يمـوت مـن الغـرق يكتـب شهيـد
ليه ماغرق وسط نونه أو علـى شاطـي صبيّـه؟!!
لـه جديـل ٍ مااستفـز الاّ .. ابجديـات القصـيـد
ليا انتثر .. جتْـك القصايـد .. ابجديـه .. ابجديـه
وكلّ ماعـظّ الشفيّـه رحـت مـن ضـدّ لضديـد
مادري أمـوت بثمانـه .. أو علـى جمـرة شفيّـه
إن سكـت .. سولـف ربيـع أنفاسـه وذوّب جليـد
وإن تكلّـم .. ينثـر الدنيـا .. حـدائـق بابلـيـه
وإن تبسّـم .. حطّنـي بيـن الضعيفـه والشـديـد
وإن ضحك .. ناضت بروقـه بالمـزون العقربيّـه
وإن تمايـل .. مـن ليانـة عـوده يليـن الحـديـد
وإن تثنّى .. شفت وشلـون الخـوي يظلـم خويّـه
وإن تهزّع .. كـلّ غالـي مـن تهزّاعـه .. زهيـد
وإن تخطّى .. قلـت .. لا بالله قِـذَتْ عينـي يديّـه
وإن وقف .. عنـق الكحيـل وقذلـة عبيّـه وجيـد
وإن مشى .. قلت .. إتخسا بنـت الكحيلـه والعبيّـه
رحت أبا أشكي له طعونه .. سلهم .. وقلت له :- زيد
أنت راعي الجود وأبخـل طعنـةٍ منـك .. أجوديّـه
سـوّ ياعـذب الثنيّـه وأفعـل اللـي بـي تـريـد
مير أنـا فـي وجـه ربـي منـك ياعـذب الثنيّـه
قيدتنـي فيـه كلمـة ( يابـعـد حـيـيّ ) بقـيـد
وأستباح بهـا خضوعـي .. لارحـم ميتـه وحيّـه
كنت أعدّ بحروته .. من ( واحـد لميّـه) .. وأعيـد
في صباح العيد .. وأنا أعدّ مـن ( واحـد لميّـه )..
.. جاء يعايدنـي وهـو يختـال فـي ثـوبٍ جديـد
قال :- أظنّك ناسي أن اليوم هـو عيـد الضحيّـه؟
قلت :- وش تفرق ... ثلاث سنين معك أعيش عيـد
كـلّ يـوم ٍ يابـري حالـي .. تجيـب العيـد فيّـه
كـــــــل عـــــام وانـتــــم بخيــــــر