قصة صارت معي

[وليد رافع بن ثقل]

علمي سلامتكم
يوم الأربعاء الموافق 1428/4/1
كنت طالع من مخرج الطواري ( طبعا المدرسين يعرفون متى ولماذا نستخدم هذا المخرج )
و أشوف ذاك الورع اللي عمره حدود 10 - 9 سنوات داخل المدرسة يصب دم
إلا غرقان دم كنه تروش بدم
والله و أنزل بسرعة ابي اشوف شسالفة
لحقته وقلت ولد ولد وش بلاك قال ابويه يضربني قلت اشلوووووووون ما صدقت
و الا فيه رجال يصايح عند باب المدرسة مع الحارس فيده سير حق مكينة سيارة
دخلت الولد غرفة التوعية وقفلت الباب
اتجهت للرجال ابي اهدي اللعب شوي قلت له تعوذ من ابليس وش بلاك؟؟
قال اتو ما تدرون يا.... يا....يا....
قلت ولله لو انه ارتد ما تسوي فيه كذا...
وقب فيني وتجمعوا الزملاء وطلع المدير يشوفون اش فيه
قال المدير حاولوا تطلعون المشكلة برا المدرسة
وجا واحد من الزملاء اسمه سعود وكفرن على الرجال
وتصايحنا في الشارع وهزأناه قاله خويي انت مو اب انت كلب (الله يكرمكم )
والله ويشل الرجال السير يبي يضربه و اني ادفه ووقفت في وجهه والا هو ناويني
واعود ارد يدي على العقال وقلت صدق يا الضرب اللي جا الولد لاطلعه منك عرض
اثر المدير طلع الولد و قاله تبي تروح مع ابوك قال ايه في هالحظه جاني الولد وقال
خلاص خلوه بنبره كلها حزن يوم سمعته هجدت شياطيني وبردت
قلت بكيفك
يوم قده بيركب واللي يضربه بالسير على ظهره المليان جروح
ومشوا

تحرينا عن الموضوع من المراسل لانه ساكن في الحارة

طلع الولد هارب من ابتدائية جنبنا وبلغوا الخبل ابوه
وراح دور له في الشوارع
ويوم لقاه
ربط رجله بمعلاق ملابس وربطها في السير وعلقها في شنكار السيارة
وقعد يلفلف به وعاد شوارع جدة ما تقصر في الحفر والمطبات

صدقوني ظهر الولد كان مليااااااااااااان جروح على تراب وقرف
وفروة رأسه من ورا كأنها مسلوخة وقد ورمت مما جاها أمتلت جروح ودم

صدقوني لوما العيب لأبكي

كان مرة وضع مححححححححححززززززززن

[حسن العراقي]

سلمت

وحياك الله وحيا علمك يابو رافع

والله يكون في عون الولد

[صالح محمد بن ملفي]

انا لله وانا اليه راجعون
الله لايجزاه خير ذا الاب الفاشل

[سعيد حمدان بن جمال]

الله يعينك على هذه العينات من أولياء الأمور ، تحياتي لك يا ابو رافع

[(محزي)]

مشكور يا أبو رافع

صراحة مايستاهل يكون أب

والي يقهر أن الولد صغير في عمره
:mad: :mad: :mad:

[وليد رافع بن ثقل]

ادعوا لنا في النقل بس

ونطلع من هذي الحارة المشوتة


سلام

[قرع مايشين]

حياك الله وحيا علمك يابو رافع
مـــرحـبـــــلي مــرحـبــــــلي
اما البو ذيه الله ربنا وربه مانقول غير الله يهديه والله انه ذكرني بالشيبان زمااان كان يجي الواحد للمدرسه ام يقول لكم اللحم وللنا العظم وكان بثور زمان ماشي الواحد مسلوق لا لحم ولا عظم غير قول لشياب ذيه الله صلحه لعواله فنه اذا قعد كوذيه عاقبته ماهي دواان وبعد وترى
غير والله ان ودي انك هبتله مطرقين عسى يبدي له عقل والله ولا كان فكيت عليه خويك ذا تقول خنفر مدري كفرن
هيا اقعد في العافيه بو رافع وان شاء الله نشوف منك جديد

[لليل آخر]

ياساتر وش هذاا

ابو رافع هذا المفرووض تبلغوون عنه الشرطة

وماتخلوون الولد يركب معااه

و ش الي مربط ولده بالسياره وجالس يدوور به بالسيارره

الله يسامحكم لايجي الولد شي من هالأب وتاخذووون ذنبه


لماذا لم يبلغ المدير الشرطة

مافائدة المدير والمدرس في هذا الوقت
اذا لم يكونوا قادرين عن الدفاع عن طلابهم

حتى لو كان الدفااع عنهم من ابيهم نفسه

ارجوا ان تتقبل وجهة نظري بصدر رحب

تحياتي لك

[وليد رافع بن ثقل]

مشكور على مروركم يا شباب

اما بالنسبة للولد ما هو من مدرستنا بس انفك المعلاق يوم كانو حول المدرسة

وانا قلت للمدير خلنا نبلغ راح بلغ مدير الإبتدائية وقال خله يتصرف

مديرنا مسكييييين ما هو راعي مشاكل




تحياتي

[عادل حمدان]

قصه محزنه ... أبورافع انا اذكر اني شفت في التلفزيون جهة مختصة بالعنف الأسري .. بس مادري وش اسم الجهة لكن اتصل عليهم يمكن يجون يربطون الرجال ويسحبونه مثل ماسحب الولد :)


الله لا يبلانا

[محب الطيب]

يعطيك العافية على القصة يا وليد و نتمنى لكم الاجر و الثواب

فالمعلمين و المعلمات يعقد عليهم الامل بعد الله سبحانه في بناء الاجيال القادمة

و هم من سيعيدون الثقة بمسيرة التعليم و مخرجاته


لا زال هناك عشوائية في التنظيم و في الصلاحيات و نتمنى زوالها او تصحيحها في القريب العاجل

ليستعيد كادر التدريس و المدرسة المكانة و الهيبة المعهودة


للاسف الاساليب التربوية ( المهجنة ) و المعمول بها حاليا مستقاة من انظمة شعوب و مجتمعات مختلفة عنا

و يصعب ان تنجح مثل هذه الاساليب اذا لم تكن مبنية و مرتبطة بسلوكيات مجتمعاتنا التي لا زالت غير مثالية

و تشكو من الخلل في التمسك بالخلق الاسلامي الصحيح



http://www.9m.com/upload/3-04-2007/0.07701175557735.gif